Leo ni Siku Ya Malaria!

Huwa natishika sana kuiita siku moja kuwa ni ya kaugonjwa fulani.
Lakini kusema ukweli huu ugonjwa unatumaliza. Inasadikika watu milioni moja huondoka kutoka kijiwe hiki cha dunia, kila mwaka kwa ugonjwa huu.

Chakutisha nikwamba unazidi kuwa sugu kila siku!
Na kingine ni kwamba wataalamu hawachoki kutuhakikishia kuwa ugonjwa huu unakabilika!

Kinachotushinda nchi masikini ni pamoja na umaskini wetu .
Eti fedha ya hawa matajiri za kukabilia huu ugonjwa, ambayo baadhi ipo, bado ina masharti.Ukiwa hununui vyandarua ambavyo wanakubaliananavyo, madawa ambayo wanakubaliana nayo au hata kama huna mfumo wa kudhibiti ugonjwa huu wakubalianao nao , hupata hizi fedha.

Lakini.....!
Wenzetu nao walikua na ugonjwa huu!Lakini wao wakatumia DDT na madawa mengine ya sumu kuumaliza.Sisi lakini haturuhusiwi kutumia dawa hizi , kwasababu wanasema kuwa zinaharibu mazingira.
Siwabishii hilo!....

Siwabishii kuwa hazi haribu mazingira,...
lakini najiuliza kuwa kwanini wao mambo huyahalalisha na yanakua mabaya tu pale wengine wanapotaka kufanya kama wao?

Umestukia pia hata katika viwanda , nguvu za nyukilia, nk; kwao ni sawa lakini ukigusa mwingine Umoja wa Mataifa unaanza kukuwekea vikao kuwa mkorofi?

Labda ni kweli kuwa wao walitangulia mapema wakastukia madhara ndio maana hawataki na sisi kurudia makosa.
Lakini!....
Mbona wao wanajinoma? Sisi je?

Nakubali kuwa nia ya mbu jike ni kujitafutia damu ili kupata lishe bora kwa ajili ya taifa lake la kesho na sio kuwa mbeba malaria. Hivyo kama akikosekana mtu mwenye vijibaba vya Malaria basi akikuonja hana madhara.
Sasa kuhakikisha kuwa hakuna mtu mwenye vijibaba vya Malaria maeneo, hapo ndio kasheshe!Wenzetu kwakutumia sumu wakaweza.

Unakumbuka kuwa sehemu kama Florida , Marekani ni sehemu zenye mbu kuliko sehemu nyingi duniani?
Hivi kwa wale washabiki wautunzaji wa mazingira:...........
Hivi kunasiku kutakua na mradi wakutunza Mbu wasipotee duniani?

Duh!
Inasikitisha sana kuwa mapka kuna statistics zijulikanazo, zidaizo kuna mtoto anakufa na Malaria kila dakika tatu Afrika.

Tujaribu kufanya kila tuwezalo wajameni , kusaidia kufuta hili.Hata ikiwa ni kufukia vidimbwi uani kwetu au kutotunza lilekopo lakwendea msalani lisilotumika pale nje ya choo.
Basi ngoja niondoke zangu!
Lakini nakuacha na Amadou na Mariamwakikupa kile kibao Senegal Fast Food