Mtakatifu SIMON KITURURU

Kwa JUUJUU!

>> Thursday, June 11, 2009

Kwa JUUJUU bado sio NDANI na haijaingia.:-(

Kwa JUUJUU,...
.... amuonaye anayecheka hudhania achekaye moyoni anafuraha!

Kwa JUU JUU ,....
.....aliaye anaweza dhaniwa halii kwa furaha!

Kwa JUUJUU ni ngozi ,...
......na kuna BINADAMU weupe na weusi wasahauo kuwa wote WAFANANA kwa ndani!:-(

Kwa JUUJUU ,....
.....akaaye kimya wanadhani KASAHAU!

Kwa JUUJUU,....
..... unaweza kutomstukia atakaye hata kukupiga JUJU!

Kama unajua JUU JUU ,...
.....weye hujui undani wa KITU au MTU na ujuacho ni kwa JUUJUU na labda ni kweli udhaniaye mlevi hajalewa!

Na,...
... kwa JUUJUU labda nilichoandika ni UJINGA!:-(

----------------------------------------------------_______________----------------

NI wazo tu MKUU na NIMEACHA!

Swali:

Unadhani kuna umjuaye kiundani?

Unadhani ni mara ngapi unajaji kitu bilakukijua kiundani?

Nakutakia siku KIBONGE na mafanikio JEMADARI!

Namuacha Mr FOX adai-Yo No Tengo La Voz

Au tu YONDO SISTER alete-Mbuta Mutu

Kwa BINGWA muanzisha UCHOCHORO!

>> Wednesday, June 10, 2009

Twajua DUNIANI asilimia kubwa ni WAFUTA zilizosha-tengenezwa NJIA,...
.....VICHAKANI kwao hakupitiki ,kwao vichakani HAKUNA NJIA!

NA WATASIFIANA kwa ubingwa wakuwahi kufika kwa umahiri WAKUFUATA NJIA,...
......HUKU WAKIMTUKANA aliyeanzisha hiyo njia KWA KUSAHAU nani alianzisha NJIA!

NA aanzishaye UCHOCHORO si MAARUFU kwa wadhaniao wanajua njia kwa kufuata NJIA,...
.....WAKATI labda UCHOCHORO badaaye ndio utakuwa NJIA!

NA asiyejali HUMDHARAU aanzishaye UCHOCHORO baada ya kumsahau hata ALIYEANZISHA NJIA.....
....MPAKA agunduapo UCHOCHORO ni njia ya MKATO kuliko njia.

ASANTE Bingwa muanzisha UCHOCHORO na yako naamini ndio NJIA!

Swali:

Wewe ni mfuata njia kwa kuwa umeambiwa hiyo ndio njia?

Unakumbuka labda ukichoshwa na makali ya njia labda ndio wewe mwenye uwezo wakuanzisha nyingine njia?

NAWAZA tu MKUU!
Ngojea twende New York SHY CHILD watupe- Drop the Phone

Au turudi tena Kameruni TOM YOMS na MAREHEMU CHARLOTTE Mbango waendeleze..-SENGAT TO

Kama kuna JINSI ya KUIZOELESHA jamii kuwa UMEMUACHA MKE WAKO AMBAYE BADO unaishinaye na unamendea HAUSIGELI!

Katika jamii inasemekana HAUSIGELI ni msaidizi wa nyumbani kama vile mke hasaidii nyumbani!

Na labda kuna mke anaogopa jamii itamfikiriaje akimuacha mume na kumchumbia HAUSIBOI asaidiaye nyumbani na ya UNYUMBA kuliko LIMUME vivu!:-(

Na jamii ilivyo KIBOKO,..
... ikiuzoea UNYANYASAJI huwa ina mchezo wa KUUKALIA KIMYA!:-(

Na jamii ikikutambua kama wewe ni HAUSIBOI au HAUSIGELI inamchezo wa kukusamehe hata kama hujui kuandika na kwa jicho la jamii weye shule hustahili ukijumlisha na bado ukinyanyasika kwa unavyonyanyaswa jamii ni KIPOFU!:-(

Na unaweza kubisha,...
... lakini MKE ateswaye na MUME au Mume ateswaye na MKE hu- hurumiwa zaidi kwa teso hilo hilo ambalo ukiitwa Hausiboi au Hausigeli linafumbiwa macho.

Swali:

Hivi Hausigeli hawezi kuwa Mke wa Mtu au Hausiboi hawezi kuwa Mme wa mtu?

Hivi Hausiboi hawezi akawa ni msenge wa baba wa nyumba na Hausigeli ni msagaji wa mama wa nyumba?[samahani kwa wazo la faragha!:-(]

Ndio ,...
... inasemekana kuna WAPENZI wapendezao zaidi GIZANI au kabla WAGENI HAWAJAJA ,lakini mpenzi ni mpenzi ikiwa mpenzi wako NI MTU na si mbwa au kuku mrembo.NA kama unaficha ufanyacho ni UNAFIKI!

Jinsi jamii inavyojali statasi za watu unaweza kukuta Limwanamke lenye uwezo wa kuishi na Hausiboi limpendalo linanyanyasika kwa kung'ang'ania Limme lisilompenda wakati limme lake linashindwa hata kufikiria kazi kazini kwa kumuwaza Hausigeli mpendwa na jinsi litakavyo jaribu kumchungulia upaja jioni akipika, HAUSIGELi ambaye linahofia likionyesha pendo jamii itakuja juu halafu litadharauliwa.

Ndio!
Jamii ni kichaa na usipoangalia utaishi kama MNAFIKI kwa kuwa jamii kuna mambo HATA ya kawaida kama KUJIFIA kwa MTU a.k.a KUPENDA, huyachukulia kama ni vitendo vya aibu kama jamii ikidhani umekosea kulilenga Limtu BOMBA!:-(

Na tunasikia kuna aliyemuacha MME wake akafuata MDUNDIKO , na inashangaza kwa watu wengi waliosikia msemo huo kutoendelea kufikiria kwani huko kwenye mdundiko kuna akinanani wanogeshao MDUNDIKO!:-(

Swali:

Kwani unafikiri jamii itakumbuka kwa muda gani uliacha mke wako ukafuata Hausigeli?

NIMEACHA na kumbuka tu ni moja ya wazo tu MKULU!

PS :
-Mimi Simon sina Hausigeli bado na natafuta kimwana cha kuchukua chotechote na kama wewe ni hausigeli, bomba TU nistue tuangalie ule mpango VIPI!

Hebu turudi Rwanda tukasikilize wimbo wa mapenzi. Tupate Somi-Ingele

Au turudi Tanzania kwa Saida Karoli adai-Nkaba Ningya

ASANTENI wadau wote mkiwemo baadhi ambao nilikutananao juzi ya jana kama muonekanavyo katika picha zangu za juzi ya jana!

UKISEMA huu ni UTAMADUNI WETU WAAFRIKA, unamaanisha NINI?

AFRIKA bado sio moja ,....
.....ingawa unaweza kunibishia!
Afrika labda haitaweza kuwa moja ,...
....ingawa unaweza kuendelea KUNIBISHIA!
AFRIKA sio moja LABDA na HILI NDILO MOJA ya sababu za WAAFRIKA kuwa wakali katika FANI YA KUBWENGANA WAO kwa WAO a.k.a VITA VYA WENYEWE KWA WENYEWE.

Na labda HAKUNA kitu kiwezacho kuitwa ''WENYEWE kwa WENYEWE'' wakati hata ''WEWE unaamini kuwa wewe sio ''MIMI''.
Swali:

Kwani wanaoongelea ''SISI WAAFRIKA'' kwa neno''SISI'' huwa wanamaanisha sisi ''WAHANZABE au WANGONI'', na sio sisi ''WAMISRI na WAXHOSA''?

Unakumbuka katika matumizi ya neno ''SISI'' hata katika kudai sisi WATANZANIA tulimpigia MKAPA kura awe Rais, ina maana unawasingizia watu lukuki na kuwaingiza katika swala la kura za Rais Mkapa wakati mpaka leo wanaamini Rais wao alikuwa ni Lyatonga MREMA?

Tukumbuke tu kuwa neno ''SISI'' ni neno KIRAHISISHI na wengi watumiao neno ''SISI '' humaanisha -''MIMI''.

Nachomaanisha ,...
... kwa wacheza MDUNDIKO Tanzania , huwa wakizungumzia Utamaduni wa Tanzania huunganishia mdundiko pia, wakati kwa Wamasai mambo yote ni KURUKA na Sindimba kwao haipandi kama tu MDUNDIKO usivyo kuwa wao Utamaduni!:-(

Swali:

Au nijaribu kusema tena,...
Kumbuka ndani ya TANZANIA tu na UAFRIKA WAKE,

Kuna wenye mila na desturi /tamaduni za kulia MSIBANI na wale wachezao disko MSIBANI.i.e Ushahudhuria msiba wa Kijaluo au ule wa Kimasai?
Kuna walao Mbwa na watoshekao na Panya.
Kuna watahirio wanaume na kuna watoshekao na mpaka kumtahiri KIDUDE mwanamke.
Kuna wenye utamaduni wakucheza ngoma kwa kutikisa tako huku chuchu nje na waimbao tu na kuruka bila kujali matumizi ya chupi.

Nachomaanisha ni,...
... SISI wa AFRIKA tupo wenye tabia za KIARABU na TUPO PIA tufuatao tabia za Kizungu za kuweka majaji watusaidie kuamua ni MISS gani anatembea vizuri nusu uchi au kwa chupi ya kuogelea yenye kuonyesha kidogo kiburungutu cha nywele za nyeti chini kidogo ya kitovu ili ashinde U-MISS KIBAHA!

Na ni kweli ,....
..... BISHA usibishe UKIZUNGUMZIA sisi WAAFRIKA, usisahau Wamoroko wanadai ni Waarabu na Dr Leakey wa Kenya anadai ni Muafrika!

Sasa swali:

Ukisema HUU NI UTAMADUNI WETU WAAFRIKA unamaanisha nini?

Ni wazo tu KINGUNGE na labda wazo lako ni sahihi kuwa ni KWELI Afrika ni moja !
NIMEACHA!

ngojea turudi South Africa ARTHUR MAFOKATE atukumbushe -Oyi, Oyi

Au tuendelee kubaki South Afrika watu fulani wapewe soseji katika-VOROSO

Busara za MWENDO wa kwendea CHOONI kabla HUJABANWA vizuri na HAJA NJONJOLINJO!

Ukijiandaa vizuri,...
.... hata kwenda chooni unaweza kutembea kwa maringo!

Tatizo la kusubiri mpaka ubanwe unaweza ukajikuta mwisho wa mwezi pesa za kodi ya nyumba ulisahau kuzitunza au tu unastukia jinsi ulivyokuwa mahiri wa kumkwepa anaye kudai!:-(

Na wakati unaenda chooni wakati hujabanwa vizuri,....
... una lakshari ya kuwaza kitu kingine wakati unausogelea mlango wa maliwato na uliwazalo likawa halina uhusiano na HAJA namba moja au ile NAMBA MBILI!

Swali:

Kwani nani anabisha wajiandaao vizuri mara nyingi ndio watuliao kwenye mtihani?

Unakumbuka kukuru -kakara usiku wa mtihani ghafla ukistukia labda hujajiandaa vizuri?
Unakumbuka wakati unaenda chooni huku umebanwa huwa HUPEI-ATENSHENI unavyotembea na kukanyaga mavi ya mbwa wakati uko katika safari hiyo ya chooni wakati umebanwa wala hakukufanyi upumzike ILI kusafisha kiatu?

Lakini tusisahau kuwa,...
.... ni muhimu pia kupitia mwendo wa kwenda chooni huku umebanwa ili uelewe starehe ya kutobanwa, KWA KUWA unaweza ukastukia ukibanwa tafakuri zako zinabobea kwenye haja mpaka hata HARUFU ya kinyesi cha aliyekutangulia chooni HUWA hukisikii!

Tatizo tu la kuwa choooni kwa kuwa umebanwa na unahangaikia haja bila kustukia harufu ikuzungukayo,...
..... ndio KISA utashangaa JAMAA limeingia OFISINI halifikirii UFISADI na likitoka LINANUKA UFISADI.

Swali:

Kwani unafikiri wapokea rushwa wengi waliingia ofisini wakiwa na nia ya kupokea rushwa?

Nachojaribu kusema,...
..... ukiingia chooni na kibano , unaweza ukatoka chooni unanuka harufu ya MAVI bila kujua!

Na kwa maana nyingine,...
...kama hujajiandaa na ukafaulu basi hiyo ni bahati tu na unaweza ukawa unaitwa Profesa wa NANIHII kwa kuwa umefaulu lakini ukweli ukawa ni Profesa waNANIHII asiyeJIAMINI!

Swali:

SI binadamu anaweza kupanga katika siku ni saa ngapi anaenda haja kubwa?

Kumbuka tu,...
.... ukijiandaa utajua kuwa hata kinyesi chako chooni hukunukia weye kwa dakika kadhaa tu wakati unaanza kukishughulikia ndio maana baada ya dakika kadhaa unaweza mpaka kuanza kusoma gazeti huko huko chooni kwa kuwa umeshazoea harufu ya kinyesi chako na atakaye ingia chooni baada yako ndio atabana pua.
Swali:

Unauhakika naongelea nini?

NIMEACHA!
Ngojea Ziggy Marley alete- Goodtime Accoustic

Au to Sting na Ziggy Marley walete- One World

MCHANGO wa WAHUNI kwa TAIFA!

>> Sunday, June 07, 2009

Pamoja na WAHUNI kuwasaidia WENYE TABIA NZURI, Walokole, Ustadhi na.... WAHUNI kuna wawaDHARAUO!

Wahuni ni bomba mpaka wanaweza kukukumbusha kuwa wewe si MHUNI!:-(

Labda hata sababu zako za kujisikia vizuri leo ni msaada walioBUSTI wahuni mpaka unafikiri hujapotea halafu umepatia ingawa bado kicheko chako cha jana na usipoangalia labda hata cha leo ni cha KINAFIKI kwa kuwa MPAKA LEO unayemchekea hakuchekeshi lakini ukijichekesha we SI MHUNI kama ni tafsiri ya MAENEO.:-(

NA kuna UWEZEKANO mpaka MCHANGO wa PROFESA kama uliwahi kukutananaye ukawa UNAZIDISHA kukufanya uzidi kuwa BINGWA wa KUKARIRI bila KUELEWA wala kujua KUFIKIRIA kisa unataka jamii ikujue wewe si MHUNI na labda ukimbishia PROFESA kuna anayeweza kuhisi ufanyacho ni UHUNI!:-(

Na ni kweli kama wewe si MHUNI unaweza ukashangaa MCHANGO wa SHEKHE, ASKOFU, BABA na labda DADA YA SHANGAZI yule aliye tajiri kumzidi MAMA , inasemekana kuwabishia ni tabia mbaya na inawezekana kuwa watu wakaamini kwa hilo WEYE MHUNI!:-(

Kumbuka lakini kuwa,...
... UHUNI ni tafsiri BINAFSI kutokana na ulivyofundishwa au kujifundisha nini ni UHUNI!:-(

Nachojaribu ni kusema,..
... fikiria tena mchango wa uhisiye ni mhuni kama ukiruka kipengele kikufanyacho ufikirie UHUNI?
SWALI:

Umesahau kwa tafsiri fulani Rais KIKWETE na Auntie MUDI wote ni WAHUNI kama wanafiti kwa yako tafsiri?
Kwani kwako UHUNI ni NINI?

NI HILO tu kwa leo!

NAACHA na kumbuka ni moja tu ya WAZO hapa MAWAZONI!:-(

Nakutakia siku KIBONGE na MAFANIKIO JEMADARI!...

AU tu ni muache Marehemu aliyetutoka juzi ya jana kutoka Kameruni nizimiaye shughuli zake aitwaye CHARLOTTE MBANGO alete-KONKAI...

JINSI nimuheshimuvyo UNAYEMDHARAU!

Kuna watu unawaheshimu halafu ukashangaa wao WANAMUHESHIMU unayefikiri anafaa KUDHARAULIWA!:-(

DHARAU ni bomba la udhaifu ndio maana hujafikiri kuwadharau UDHANIAO ni BOMBA:-(

NDIO,..

...LABDA kila mtu ana sababu zake KWA NINI anadhani MIMI au lile JINGA!:-(

Ila USAHIHI wa SABABU ukijulikana INAWEZEKANA asilimia KUBWA ya WANADAMU wanakosea WAKUMDHARAU!

Swali:

Una uhakika na sababu zako zisababishazo kuna CHAUPELE una mdharau ?

Una uhakika CHAUPELE akipona UPELE hutatamani kumpa kikojoleo kama isingekuwa dhambi?

NI hilo tu na NIMEACHA WAZO!:-(

Ngojea SHABBA RANKS aongelee -Trailer LOAD of GIRLS...

Au tu BILLY PAUL aongelee mapenzi ya MKE wa mtu katika-MIMI na mke wa JONES

Kama MUNGU akibadili MAWAZO!:-(

Labda,....
.... MUNGU ghafla anaweza kuamua kuzimia VIUMBE VYAKE vyenye juhudi za kufanya dhambi kwa kuwa wadaio hawafanyi dhambi katika fani zao zakutofanya dhambi ni VUGUVUGU .

Katika juhudi za wafanyao dhambi,...
.... WAFANYAO wanajuhudi kweli na DHAMBI mpaka SAA NYINGINE HUWA wanaivulia MPAKA kificha NYETI !:-(

Swali:

SI ya MUNGU bado anaamua MUNGU na bado anayojua MUNGU ajuaye ni MUNGU MWENYEWE?

NI kweli lakini,...
... inasemekana asilimia kubwa ya wajaribuo kutofanya dhambi kama wewe ni VUGUVUGU na kuna kidhambi kina wini kishenzi kama kile chako CHA kudhani wengine wana DHAMBI ZAIDI!:-(

Ni hilo tu NILITAKA KUSEMA!:-(

NIMEAACHA!:-(
BAADAYE basi MKULILA!

Hebu basi twende tena Namibia Tate BUTI aongee tena - Efenge