Mtakatifu SIMON KITURURU

Sikilizia utamu wa ngono ukifanya ngono na sikilizia utamu wa perege wakati unakula PEREGE!

>> Monday, May 18, 2009

Papara za nini, ....
.....sikilizia hiki kama unafanya hiki, KILE kina baadaye.

Swali:

Na kama wakati huu hiki ni penzi,...
...unaweza kuharibu utamu wa penzi kama wakati unafanya penzi , hapohapo unafikiria baiskeli yako iliyopata pancha.

Na ni kweli....
..... mambo mengi yanagombea USIKILIVU wako.

Sikilizia basi!

Swali:

Ni kweli ingawa unaweza kula makande kwa parachichi,....
...... lakini kama unataka kuwa na uhakika na ujazo wa utamu wa parachichi, kula parachichi wakati unalifikiria parachichi na sio mchikichi.

Na kama umeshikwa makende,....
...... stukia uumeshikwa makende na huo si wakati wakufikiria kaswende.

Swali:

NI wazo tu KINGUNGE!

Swali:

Si unakumbuka daima huwa unafanya kitu zaidi ya kimoja na hata wakati wa haja kubwa unaweza ukafanikisha haja kubwa wakati unafikiria kodi?

Ngojea St Germain watupe - So Flute

Au tu Msondo Ngoma wadai ingawa kuna vitu vingi muungwana anaweza kuvikaza,- Kaza Moyo

Leo Blogu ya Mtakatifu Simon Kitururu imefikisha kamuda ( 17.05.2006-17.05.2009)

>> Sunday, May 17, 2009

Tarehe 17 mwezi wa tano mwaka 2006 ndio niliposti kwa mara ya kwanza katika Blogu hii.

Sina chakusema zaidi yakushangaa muda unavyokwenda nikiwa MAWAZONI!
(17/2006- 17/2009)

Asanteni wote MNITEMBELEAO!

Samahani niliowakwaza kwa ujinga/upuuzi!

Nashukuru mnaonielewa au kujaribu kunielewa!

TUKO PAMOJA!

(Pichani ni mimi na wazazi kabla sijawa Mtakatifu!)

AU ngojea Maxi Priest anisaidie kubadili hali ya hewa nisikuboe katika kibao....- Just Wanna Know

Au tu adai-One more chance

Kama kuna tofauti ya MATUMIZI ya LIBINADAMU lililopendeza yaliyotofauti na ASIYEPENDEZA!

>> Saturday, May 16, 2009

Labda KUPENDEZA kumezidishiwa sifa zisizostahili,...

.... sijui kwa nini!

Mpaka unaweza kusahau ni UTU sifa unaostahili,...
... na unajua ni kwa nini!

Kama USHAPENDEZA,...
..... halafu iwe nini...
......wakati wajua mwisho wa siku utaishia kwa kutopendeza,...
... sasa waringia nini?

Kwani tukisema UMEPENDEZA,...
... unafikiri tunamaanisha nini...
....wakati wajua kupendeza kujichoni mwa akupendaye,....
..... na kwa siye wengine weye maning'ining'i, au unabisha nini?

Kwani matumizi ya aliyependeza na asiyependeza,..
... tofauti yake nini...
...wakati wote wafaa katika utengenezaji wa mimba,...
..... asifiwayenawe anacha zaidi nini?

Ukifikiria sana , dhana ya KUPENDEZA ni mtindio wa akili,..
... hapo ndio utajiuliza; hivi binadamu wenye akili huwa wanafikiria nini?

Kama bin-adamu ajua maisha na uhai huishi ndani ya ulio uchi mwili,.....
.... dhana ya kupendeza kwa kujisitiri ,yasababisha mtu amtoe uhai mtu kwa nini?

Mahitaji ya mtu kwa mtu hayako kwa alivyopendeza mtu,..
.... au wafikiri uchi na ukiwa uchi haupendezi nini?

Na kupendeza kwa Kigogo ni tofauti na kwa Kibena,..
.... Je wafikiri Mmasai asilia ukipendeza na bichikoma anaona nini?

Swali:

Unakumbuka ni udhaifu kujisikia vizuri kwa kupendeza?

Unakumbuka ni kukiri mapungufu wakati unajisikia umependeza?

Ukipendeza unafikiri umependeza ili ufae kwa matumizi gani?

Kwani usipopendeza unauhakika hailipi?

Ni wazo tu Kingunge na NIMEACHA!

Hebu basi twende tena Kameruni Richard Bona atusaidie wimbo uitwao- - Ekwa Mwato

Au tubaki tu Kameruni Manu Dibango alete tena kibao - Africa....

FIKIRIA!

Ona, sikia,....
..... FIKIRIA!

Fikiria, tenda halafu tena FIKIRIA!

Ukisita, .....
.....FIKIRIA!

Fikiria, onja, ....
.... halafu FIKIRIA!

Ukikosolewa,...
.... kabla hujajilaumu , FIKIRIA!

Ukipatia,...
..... kabla hujajisifu, FIKIRIA!

Usipotaka kufikiria kabla,...
..... fanya ukijua HUJAFIKIRIA.

Kumbuka si lazima utapata jibu,...
.... lakini kuna ahueni kama kabla, ULIFIKIRIA!

Kama umestukia ulikosea,...
... weye UNAFIKIRIA.

Na kama kuna akustuaye umekosea,...
.... unahitaji KUFIKIRIA!

FIKIRIA!

Ni wazo tu Kingunge, na NIMEACHA!

Babyface na Eric Clapton wadai- Change the World

Au tu OUTKAST waongelee -Two Dope Boys/Wailin'

Ndani ya JITIHADA za KUJIPENDEKEZA!

>> Friday, May 15, 2009

Ukikosea KUJIPENDEKEZA,..
..... unaudhi!

Ukipatia KUJIPENDEKEZA kwa asiyekupenda,...
...... ni maudhi.

Kwa kuwa kujipendekeza ni maudhi,..
... labda unaudhi!

Lakini MAUDHI ni mpaka ujishughulishe na maudhi,...
....ili yakuudhi.

Na kama unajipendekeza kwa akupendaye,...
.... kuna mbwembwe uzidishazo ingawa sasa hivi anapenda ingawa ni maudhi.

Cha ajabu hakuna binadamu aliyefanikiwa ,...
.... bila mtu fulani kumuudhi!

Na Binadamu asiyefanikiwa,...
.... kunamtu anamuudhi.

Kwa hiyo ,....
..... labda binadamu wote kujumlisha wewe na mimi wanaudhi!:-(

Na wazo hili la kuwa kuna wajipendekezao hata pasipohitaji kujipendekeza,...
.... labda LINAUDHI,...
... hasa kama linakuudhi na wala hayakuhusu MAUDHI!:-(

Swali:

Unauhakika kuwa hujihusishi na maudhi ndiomaana YANAKUUDHI?
Unauhakika unamjua mtu yeyote ambaye ukimpachansi hatakuudhi?
Unauhakika huwa unajistukia kila ukijipendekeza?

Nakutakia Wikiendi Mchelemchele!

Ngojea Mlimani Park Ochestra kwa hisani ya Tizedboy waongelee- Maudhi

Au tu Pablo Francisco aongelee wanamuziki wa RnB...

Au tu Rupee arudishe soca katika- Tempted to Touch

Nani ana amani TANZANIA?

Ukiwa TAJIRI amani inapotea,...
.... kwa kuwa unadhani tutakuibia ndio kisa cha geti kali huku unawasiwasi tutakuomba.

Ukiwa MASIKINI amani haipo,...
... kwa kuwa unadhani huna na unahitaji kuwanacho kwa kuwa unadhani wengine wanacho na wanakuhisi utaomba.

Ukiwa na DINI amani haipo,...
... kila siku unakimbizana na maandiko na pia hofu za jehanamu au kugeuka bata , labda ndio maana unadini.

Ukiwa huna DINI amani haipo,...
... kila kukicha kunaatakaye taka kukutisha au umhisiye anataka kukutishia jehanamu wakati hapahapa duniani chamoto unakiona.

Ukiwa na NDUGU amani hakuna,...
... kwa kuwa inamaana lazima kama una ndugu utafiwa na ndugu na kifo kinamchezo wakutozoeleka.

Ukiwa huna ndugu amani hakuna,..
kwa kuwa unadhani wenye ndugu kuna wakunyimacho.

Ukiwa na MARAFIKI amani hakuna,...
..... ndio wasababishao umeingia mpaka mikopo uchangie, kitcheni pati, begi pati na kwenye pati unaanza kuingia wasiwasi kama ni kweli udhaniaye rafiki kweli ni rafiki.

Ukiwa Mtanzania amani hakuna,...
... ikiwa mpaka leo huna uhakika na Muungano wa Tanganyika na Zanzibar kama bado unajisikia Mbara zaidi au Mzanzibar zaidi na ni Mtanzania kwakuwa katika kikao hiki si bomba kujitambulisha kuwa unajisikia Mchaga.

NIMEACHA!
Na kumbuka ni wazo tu KINGUNGE, usitishike!

Ngojea tubadilishe hali ya hewa kwa kuangalia jinsi Kigoma wafanyavyo katika - How to Flirt

H-Town wazungumzie- Knockin the boots

Au tu Scarface asifie tabia mbaya enzi hizo katika- Recognize

Hamu ya MKE WA TATU!(simulizi iliyopinda)

>> Thursday, May 14, 2009

Mke wa kwanza amemzoea,...
.. na ubunifu kaacha , kashazoea.

Na hata kwa harufu chooni ajua ni yeye,...
... na mpaka kwa harufu ajua alichokula, kamzoea.

Na hata akimdanganya hanuki kikwapa ajua amdanganya,..
... ingawa haachi kuulizia ya kikwapa au ya atingishavyo singida dodoma, kazoea.

Sijui ni kwa mazoea,....
.... ghafla mwanawani wa nyumba ya jirani ukifumba macho anasogea.

Sijui mazoea yaua shahuku,....
..... uhakika wa kitu wamfanya asiharakishe kutoka sokoni awahi ile ile faragha aliyoizoea, kaizoea.

Na kama nguo na kitafunio cha chai hubadilishwa,...
... sijui mke wa kwanza asipobadilishwa nayo tuite ni mazoea?

Na labda mme wa kwanza anafaa zaidi kwa porojo,....
..... na wa sita ananoga kama gari jipya kwa tendo na kitengo , hujamzoea.

Na kama unahamu na nyama ya kuku,..
..... kunauwezekano nyama ya bata si tamu , hujaizoea.

Tatizo la mazoea,...
.....ukianza kubadilisha itafikia unatakakubadili visivyobadilishwa na unafanya kwa mazoea.

Na mazoea ni mabaya,...
..... na hata kuumizwa roho waweza zoea.

Na labda hamu ya mme wa pili,....
..... hainatofauti na ya mke wa sita kama ukizoea.

Na kabla hujabadili chuo,...
.... jiulize kama kuna umuhimu au ni yako tu mazoea.

Na katika kujizoelesha mazoea,...
..... waweza kujikuta umejilimbikizia wakati yote ya muhimu katika utamu yalikuwapo kwenye ya mke wa kwanza uliyoizoea.

NIMEACHA!
Kumbuka ni moja tu ya wazo!
Ngojea twende Zimbabwe kwa Oliver MUTUKUDZI adai -NDAKUVARA.....

Au tu tupitie tena Zambia kukutana na K'Millian adai-NIZAKUKONDA

WAKATI unaendelea KUCHAGUA cha kustukia na CHA KULAUMU!

Kizuri na cha maana mara kenda kadhaa huwa HAKIONEKANI na wala HAKISIFIWI!

Na,...
.... UTAGUNDULIKA kirahisi uko HAI kwa kukosea na sio kupatia!:-(

Na kwa unafiki wa BIN-ADAMU,...
... kuna watakao kushangaa kwanini UNATUKANA wakati kwa kuongea kilokole na ukiongelea korosho na magimbi waliovaa raizoni hawakustukii UPO na wanakunyima mpaka sehemu za faragha na angalau wanageuka ukiwatukana na ukiachia msonyo!:-(
Swali:

Unauhakika kweli na sababu zako za kutukana uzifichazo nyuma ya vihasira vyako vilivyokonda?
Unauhakika huwaruki wafanyao mazuri na kustukia wakoseao na wewe ni mmoja wa waliosababisha TAARIFA ZA HABARI zimejaa mambo mabaya ambayo huitwa NEWS?

Na kuna uwezekana hata hapa unaendelea kusoma ili uone kama ntatukana , na kama ungekuwa na uhakika niandikacho ni mahubiri ungesha hama kwa kisingizio fulani bashasha kama vile '' NAKUBOA''.

LIONE VILE!

Na NAACHA TOPIKI umeniudhi!:-(

Ngojea basi tena DANY ENGOBO azungumzie-FRANCHA...

Au tu tutulize hali ya hewa kwa kuwaachia MAKOMA wamrudishe mtu kanisani kwa kibao- Ola OLE