Mambo ya Kufananishwa ......

Duniani kuna watu wanaamini kuwa Wachina wote wanafanana!
Watu weusi wote wanafana!

Nakumbuka kipindi cha miaka ya tisini, ukiwa mweusi ukakatiza nchi kama Finland, watu wanakuwa na uhakika kuwa wewe ni Msomali , halafu mkimbizi. Walikuwa hawawezi kutofautisha watu weusi. Na kutokana na uchumi wao miaka hiyo kuwa mbaya, basi hukawii kutupiwa jicho la chuki kuwa umekuja kuwaongezea shida.
Sasa hivi ukiwa unamandevu ,ukafananishwa na Bin Laden fulani,ukikatiza Airport hukawii kuitwa pembeni wakakucheki zaidi mizigo yako.

Swala la kufananishwa lina mambo yake....

Ngojea nikupe kastori kalikonitokea jana......

Nanukuu nilichoombwa jana....
`Sorry Brother!, I am desperetely in need of Ur help! I see U in this joint often and I am interested in a girl who is into Tracy chapman. I think U.......´

Ngojea nirudi kwenye kilugha........

Jana kuna mtu(hata simkumbuki jina) alikuwa anampa kauli mwanadada mmoja, ilikujiongezea pointi akaamua kumdanganya kuwa yuko na mimi, halafu eti mimi ni mdogo wa Tracy Chapman,nimekuja kumtembelea.Ilibidi niwe naitikia chochote asemacho kuhusu uhusiano wangu na wake na wangu na Tracy Chapman.Kwa bahati nzuri naijua historia ya Tracy, hivyo maswali fulani kuhusu yeye nilitoa majibu.
Hebu cheki picha zangu na Tracy.....


Tracy Chapman(picha na Steve Granitz/WireImage.com)

Mimi

Mimi

Tracy(Picha na David Atlas)
Duh!
Je tumefanana?

Ngoja nigusie na....
Kipindi nilichokuwa Tanzania, kuna watu walikuwa wanakuja kunisalimia wakifikiri mimi ni
Q Chifu. Sasa naanza kuogopa kwa maana siku moja mtu atanifananisha na kibaka aliyemuibia ,halafu nitakula mkong'oto.

Kuhusu jana chakusikitisha ni kwamba ....nilikubali kufanya maigizo. Na si utani , aliyeambiwa hakujali hata kiswanglish changu, aliamini kabisa anachoambiwa kuhusu undugu wangu na Tracy.
Nasikitika kwa kusapoti uongo , lakini ilikuwa ni kaigizo fulani kanakochekesha na kaliniondolea ka-boredom fulani na.............vilevile kalinifikirisha.

• Chakusikitisha ni kwamba kuna watu wanaweza wakakubali kufanya chochote wakihisi wewe ni mtu Maarufu.
  

Cha ajabu kumbe hata ukifanana na mtu fulani maarufu , unaweza kupata pointi anga fulani.

Lakini...

Watu maarufu , wanapata raha na pia kusulubiwa kwa kujulikana kwao.
Ukiniuliza mimi , naweza kusema , wale wa karibu na watu maarufu, au wenye kujuana na watu maarufu , mara nyingine ndio wafaidio kuliko hata wale watu maarufu wenyewe.

Kuna mshikaji wangu alitaka kujua kama ningependa kuwa katika nafasi ya Mandela!
Wote tunajua kuwa Mandela ni mtu maarufu, na aheshimikaye sana duniani.Lakini mimi nitakuambia, hata siku moja huwezi kunifanya nitamani kupitia na kuishi aishivyo yeye.Mzee kama yule hana nafasi hata ndogo ya kukosea. Siku akisikika katukana au kapitia mtaa gani sijui, dunia nzima itasimuliana hicho kitu. Na hadithi nyingine kemukemu zitazaliwa za kumpaka matope.
Lakini ukiniuliza kama nataka kuwa rafiki yake, hapo tutaelewana.

Nikirudi kwenye hoja.......

Tatizo ni moja tu!
Huwezi kuchagua nani utafanananaye. Kirahisi tu, unaweza kufananishwa na kibaka fulani.
Ushawahi kusikia kuwa mara nyingi mtu na mke wake hufanana?
Swali:
Kwanini watu huchukia kufananishwa na mtu nishai?
Mbona hatujiulizi ,hivi ni kibaka anafanana na mimi au ni mimi nayefanana na kibaka?
(Unajuatena yale maswala ya kuangalia glasi ya maji na kuiona imejaa nusu na sio imepungua nusu.)
Ee bwana ee Jumamosi njema!


Mpate basi Tracy Chapman na BB King


Najua leo ni Helsinki Vs Tampere kwenye mpira wa miguu!Samahani Ezza , nilipitiliza.Si unajua nilijidanganya kuwa ngoja nilale kidooogo.....Nilipoamka nimechelewa nikajua mchuma utakua umeshaondoka.