STAILI ya kuongea IMSAIDIAYO mhubiri wa dini , labda INA MSAADA pia kwa mtongozaji!

Katika kila fani wanafani wanastaili zao za kuongea au kushusha kauli KATIKA FANI.

Kama wewe Mkristu, Mkristo ,Mlokole, Muislamu,......., au unatumia tu Waganga wa kienyeji , nafikiri unajua staili ya WAHESHIMIWA WASIKILIZWA katika kumwagia wafuasi KAULI zao hasa za vitisho kabla ya KUAHIDI tamutamu katika FANI.

Mimi binafsi napenda staili ya uongeaji wa kitakatifu wa MAPAPA wa kikatoliki ndani ya fani , na nakiri kuwa huwa wananifanya nijaribu kusikiliza wasemacho ingawa sielewi Kilatini , Kiitali au hata lugha yoyote watumiayo katika kumwaga KAULI kutokana na staili za kumwaga neno kitakatifu zitumikazo katika fani .

Na,...
......katika staili ya kumfanya msichana ajikute anavuta majani au anajikanyaga katika mkao wa nataka-sitaki wa kusikilizia kauli TAMU anazopatiwa na Mtongozaji, inasemekana ukimrekodi anayetongoza utastukia haongei kwa sauti yake ya kawaida.Yuko katika fani.

Na katika fani, hata ukiwa mbali lazima utajua nini kinaendelea watu wawili wakiwa wanapeana kauli hata kama mara hii ni Kijeba anacheza mchezo wa nataka-sitaki wakati MWANADADA anamwaga kauli ya mtongozo ndani ya fani.

Lakini,...
....... binadamu tuko tofauti!:-(


Wengine tumezaliwa tunapenda MDUNDIKO wakati wengine wamezaliwa wanasikia kelele tu kwenye MDUNDIKO.

Nawasiwasi staili ya wahubiri wa kilokole, hata kabla ya KUSIKIA WANAONGELEA NINI kuna watu inawatuliza roho na hao kuna uwezekano wakaokoka kirahisi labda kwa kuogopeshwa zaidi kutokana na staili ya mzungumzaji iwaingiavyo au kwa kuelewa zaidi kutokana na mhubiri kuto waboa kwa staili na kabla ya kwa neno, na kwa hilo labda mhubiri anakuna kipele kwa KAULI kwenye fani.

Kuna wengine ni staili ya mashekhe ya kushusha neno a.k.a KAULI iongezayo uelewa wao wa Kitabu Kitakatifu na ya ALLAH.


Tukirudi kwa mganga wa kienyeji au hata mtongozaji , staili yake inaweza kumfanya mtu akubali jambo ingawa aliyepewa KAULI wakati amejilaza kwenye kitanda chake cha teremka tukaze BAADAYE, atakuwa bado haelewi ni kwanini mambo kama; ya mtongozaji ya;Aisee dada nakupenda sana na kila nikikuona nabanwa mkojo AU ya mganga ya;Lete kijambio cha njiwa jike msenge na mzizi wa jiwe, vilikuwa vinaleta maana sana wakati anapokea kauli.

Bado tatizo ni;...
....tunaamini STAILI ya ashushavyo kauli Mmarekani ni tofauti na ya ashushavyo Mfaransa, na labda ni KWELI ! Lakini ukweli ni kuwa kuna Mgogo wa DODOMA anayeweza akawa anakuna Mfaransa kwa STAILI na kauli za Kigogo kuliko Mfaransa akunavyo Mfaransa mwenzake, kama tu Mmarekani awezavyo kuvutia Mpare wa Mwanga kwa Msuya , kwa staili na UNG'ENG'E labda kuliko awezavyo kulainisha Mmarekani mwenzake mtaa wa jirani kwa kauli , kisa anaongea na ana STAILI za Mmarekani mweusi katika kumwaga KAULI ya fani.

Swali:

• Ushastukia hata mjinga akiwa anaongea kwa sauti au staili uioanishayo na mwerevu, mjinga haonekani mjinga sana ingawa unajua pointi zake zote hazikuni pointi ingawa anamwaga KAULI?

• Ushawahi kutofautisha staili na sauti yako ya kuombea msamaha ilivyotofauti na ya kutongozea ingawa zote ni za utulivu na zinamwaga kauli?
• Si unajua kutongoza maana yake kuomba kwa kubembeleza na sio lazima uwe unaomba nanihii?

Labda ni kweli ,.....
.... staili ya kuongea imsaidiayo MGANGA WAKIENYEJI, ina msaada kwa mtongozaji!
Na labda,....
... Staili ya muhubiri huyu UAMINIYE anahubiri ya nabii wa UONGO haiwezi kutumika kukuokoa kwa kutumiwa na muhubiri mwingine kukuokoa WEWE hata kama inashusha ya NABII wa kweli yenye UKWELI katika staili ya kukugawia KAULI.

Lakini,....
......HATA kama hutaki , ukweli ni kwamba Mtongozaji na Mtongozwaji wapo na staili za kumwaga kauli ZIPO na zina afya kama MNYOO na binamu yake FINYOFINYO!:-(
NAACHA!
Kumbuka nawaza tu hapa!:-(
siKU Njema!


Tulia na Harry Belafonte katika -Man Smart, Woman Smarter....



Au ngojea turudi tena Guadeloupe kukutana na FUCKLY katika kibao -Doudou....