Kama AFRIKA ni MALAYA na bado kuna wakataliwao kugawiwa MALIGHAFI !:-(

[ Tahadhari: Wazo limepinda!:-(]

 Kwa wale ambao wamewahi KUKATALIWA  na MALAYA asifikaye kwa kugawa kama pipi chachu wanajua:

Sifa tulizozoea, MALAYA ni mgawaji

Nalohatukuzoea,huchagua ugawaji

Kuna anaowagea, naanyimao gawaji

AFRIKA ka' malaya, wagawiwa gawaji?

Sasa hivi kuna wenye ngekewa tu ndio waponaji wakati tunasikia :

Anajulikana sana, kwa kugawa MALIGHAFI

Chakusikitisha sana, wenyeji  wala tu  GHAFI

Utajiri wake sana, wanao kina GADAFI

Viongozi  AFRIKA , na wale wa  nje  ya bara.

Na kwetu tusiogewa, ni macho tu twatolea?

Twaona anavyoliwa, na tafrija twalea?

Kama vile twagawiwa, makombo yawe mbolea?

Lakini je AFRIKA, ni MALAYA mgawaji?

Na hebu  turudie kuangalia swala tena kuhusu AFRIKA :

Kama sio mgawaji,kuna wajigawiao

Kama chungu chenye maji,kuna wajichoteao

Wenye kichotea maji,ndio kiu wakatao

Wale wenye AFRIKA,SI twasubiri mgao?

Na labda :

Mgao hautakuja, Malaya ni MCHAGUZI 

Afeva waliokuja, na nyenzo za nguvu kazi

Na tupo tunaongoja,bila kufanyiakazi

Wafikiri tutagewa, vya bure  tu bila kazi?

Mwisho wa kamanyola bila jasho!:-(

Swali:

• Umekumbuka kuifikiria AFRIKA leo na kama unapata shea yako ya TITI LA MAMA huyu wengine wamuitao MAMA  AFRIKA?
• SI unajua nawaza tu hapa na nasikia kuwaza saa nyingine eti husaidia kupata jibu ingawa hakuna garantii?

NI WAZO TU HILI JEMADARI na wala USINUNE BASI kama kwa zigizaga zake UMECHEUA!:-(

Cheka basi kidogo eeh MWANAKWETU hatakama hatuelewani!:-)
AU?

NA  NAWATAKIENI WOTE ,...

....Ijumaa ,...

.....na WIKIENDI njema,....

......WAHESHIMIWA!

Hebu tu turudi Afrika upande wa chini kidogo tukutane na Sipho Gumede arudishe busara kwa -When Days Are Dark, Friends Are Few






Au tu Jimmy Dludlu arudie tu na -Tote